Como participar

Podes formar parte da Plataforma de Innovación Aberta a través dun proceso sinxelo e seguro, e comezar a beneficiarte dos servizos clave da plataforma: Espazo de Datos, Sandbox de Innovación e Marketplace. A continuación, explicámosche os pasos:

1. Accede ao Portal de Acceso Unificado (PAU)

O PAU é o punto de entrada para interactuar con todos os servizos da Plataforma de Innovación Aberta (PIA). Desde aquí poderás crear o teu perfil e iniciar sesión, xestionar os teus accesos aos servizos (tamén chamados compoñentes) e comezar a túa participación na plataforma.

Só tes que facer clic no botón “Iniciar sesión” [Parte superior esquerda da pantalla] e seguir o proceso de autenticación segura, tanto para a primeira vez de creación de usuarios, como para as seguintes sesións. Este proceso de autenticación é o segundo paso, que se explica a continuación.

2. Autenticación segura con Microsoft Entra ID (OTP)

Ao facer clic en "Iniciar sesión", serás redirixido – momentaneamente- á plataforma segura de Microsoft Entra ID (login.microsoftonline.com).

  • Se é a túa primeira vez, poderás crear unha conta nese mesmo momento.

  • Se xa tes unha conta, podes iniciar sesión directamente.

Non é necesario introducir un contrasinal: recibirás un código dun só uso (OTP) por correo electrónico. Unha vez validado, volverás automaticamente ao PAU coa túa sesión iniciada.

3. Solicita a creación da túa entidade (“Crear empresa”)

Unha vez creado o teu usuario, só poderás descargar no Marketplace; para acceder plenamente aos servizos da PIA, é dicir, para poder acceder ao Espazo de datos, testear nunha Sandbox e publicar no Marketplace, é necesario contar cunha entidade, que pode ser unha empresa, centro tecnolóxico, etc. 

Na PIA, usamos o termo “empresa” para referirnos de forma xeral a calquera tipo de entidade participante: empresa, centro tecnolóxico, universidade, clúster, etc.

Para solicitar a creación da túa empresa, debes realizar o seguinte e cumprir cos seguintes requisitos:
  • Accede ao formulario de solicitude desde o PAU.
  • Completa os campos requiridos do formulario “Crear empresa”. Este formulario pódelo conseguir no menú da túa área privada.
  • Adxunta a documentación acreditativa que se detalla no formulario, especialmente a documentación que acredite a titularidade da empresa como, por exemplo, unha declaración responsable do apoderado.

Unha vez revisada e aprobada a solicitude polo equipo do CoE, a túa entidade será rexistrada e poderás comezar a solicitar accesos a todos os servizos: Espazo de datos, Sandbbox e Marketplace. Non é necesario crear empresa para calquera descarga en Marketplace.

4. Solicita acceso aos servizos da PIA (compoñentes)

Unha vez a túa entidade foi rexistrada, os usuarios asociados poderán solicitar acceso aos principais compoñentes da PIA:

  • Espazo de datos  
Accede a contornas seguras para compartir, analizar e reutilizar datos de forma colaborativa. O acceso solicítase mediante o formulario chamado “Acceso ao Espazo de datos”, que estará na túa área privada. Este formulario é moi sinxelo, só terás que definir o tipo de datos que vas ofrecer no caso de que queiras ser publicador de datos e o tipo de datos que desexas buscar, no caso de ser consumidor. Lembra que este formulario o deberás cumprimentar unha vez se teña a entidade rexistrada.

  • Sandbox de innovación 
Experimenta, valida e co-desenvolve solucións nunha contorna controlada. Para solicitar acceso, deberás cumprimentar o formulario chamado “Acceso á Sandbox”, que o podes localizar na túa área privada do PAU. Ademais de cumprimentar os campos solicitados, deberás presentar unha memoria técnica do proxecto innovador que desexas desenvolver, xunto cos documentos e declaracións de responsabilidade obrigatorias, especialmente os relacionados co plan de recuperación, transformación e resiliencia (PRTR). Na túa zona privada explícase como cumprimentar a memoria técnica sobre o teu proxecto; con isto garántese que o uso da Sandbox está destinado á innovación no sector turístico. Elaboramos unha guía para cumprimentar esta memoria que poderás atopar no seguinte enlace Guía de usuario.

  • Marketplace de servizos e aplicacións  
Comparte solucións tecnolóxicas, recursos reutilizables, módulos e algoritmos orientados ao sector turismo e á innovación aberta. O acceso, para publicar as túas solucións, xestiónase tamén mediante formulario desde o espazo privado. Os campos que cumprimentar no formulario de “Acceso ao Marketplace” son: o nome da primeira solución que publicarás, o tipo de solución e a que público vai dirixido. Para descargar as solucións non é necesario ter creada unha entidade, só se necesita estar rexistrado como usuario no PAU.

Necesitas axuda?

O equipo do Centro Operativo de Excelencia (CoE) está dispoñible para acompañarte en cada paso. Se tes dúbidas sobre o proceso, documentación ou requisitos, podes contactar a través do formulario de soporte do PAU.

Actores do espazo de datos:
 

• Empresas turísticas: desde grandes operadores a pemes interesadas en mellorar a súa competitividade a través do uso de datos, xa sexa como consumidores (para optimizar procesos, coñecer mellor ao cliente, etc.) ou como provedores (compartindo datos operativos, de demanda, etc.).
   
• Empresas tecnolóxicas: compañías que desenvolven solucións baseadas en datos (analítica, intelixencia artificial, software de xestión, etc.) e que necesitan acceder ou publicar conxuntos de datos para construír produtos innovadores orientados ao sector turístico.
   
• Administracións públicas: organismos que poden aproveitar os datos compartidos para deseñar políticas turísticas máis efectivas, avaliar o impacto das súas accións e fomentar unha contorna de colaboración público-privada en turismo baseado en datos.
   
• Universidades e centros de investigación: entidades académicas e científicas que necesitan acceder a datos fiables para levar a cabo investigacións aplicadas, avaliar políticas ou colaborar no desenvolvemento de solucións tecnolóxicas ao redor da intelixencia de datos para destinos turísticos.
   
• Asociacións do sector: clústeres, hubs de innovación e agrupacións empresariais que promoven a participación dos seus membros en iniciativas de compartición de datos turísticos, facilitando sinerxias e proxectos colaborativos con impacto real no turismo.
   
• Destinos: entes xestores que buscan mellorar a xestión do destino a través de datos de calidade, incluíndo a análise de fluxos turísticos, a sustentabilidade, ou a planificación de infraestruturas e servizos.

Actores da Sandbox:

• Empresas tecnolóxicas: organizacións que desenvolven ferramentas dixitais ou servizos tecnolóxicos orientados ao sector turístico e buscan desenvolver e validar.

• Administracións públicas: entidades gobernamentais e destinos turísticos interesados en explorar e adoptar tecnoloxías innovadoras para mellorar a experiencia dos visitantes e optimizar a xestión do turismo.

• Universidades e centros de investigación: institucións académicas e científicas con proxectos de investigación aplicada en turismo e tecnoloxía, que necesitan un espazo para experimentar e transformar as súas ideas en solucións prácticas.

• Asociacións do sector: agrupacións empresariais, clústeres tecnolóxicos e hubs de innovación que buscan fomentar a colaboración entre os seus membros e o desenvolvemento de proxectos conxuntos con impacto no turismo.

• Destinos: entes xestores que impulsarán ás empresas que dispoñan de servizos tecnolóxicos orientados ao sector turístico para que dinamicen o intercambio de datos e potencien novos casos de uso (compartición ou posta en común de problemáticas e solucións similares: masificación no verán, xestión de fluxos, zona de congresos afastada aos aloxamentos…) que melloren a xestión do destino, así como o desenvolvemento doutros produtos innovadores.

Actores do Marketplace:
 

• Empresas turísticas. Acceso a tecnoloxía para dixitalizar os seus servizos.
   
• Startups. Oportunidade de promocionar solucións nun ecosistema turístico.
   
• Administracións públicas. Xestión de destinos con tecnoloxías innovadoras.
   
• Turistas. Acceso a apps e servizos que melloran a súa experiencia.