Marketplace

Publica a túa solución turística ou o teu código no marketplace da Plataforma de Innovación Aberta (PIA), o escaparate dixital de solucións tecnolóxicas especializadas en turismo; un espazo onde destinos, empresas e turistas poden descubrir, ofrecer e acceder a aplicacións, servizos e desenvolvementos útiles que impulsan a dixitalización do sector.

Que é o Marketplace?

O marketplace da Plataforma de Innovación Aberta (PIA) é un portal especializado en solucións tecnolóxicas do sector turístico e ofrece tamén código útil para desenvolvementos de turismo.

O marketplace da Plataforma de Innovación Aberta (PIA) está destinado á publicación e consumo de diferentes aplicacións e servizos turísticos intelixentes. Os entes xestores, turistas e as empresas poden consultar o catálogo de aplicacións e servizos, subidos por provedores tecnolóxicos.

Beneficios destacados:

• Identificación, tanto do provedor de solucións como do consumidor.
• Buscador avanzado de solucións turísticas, permitindo a segmentación detallada de todas as solucións ofertadas neste portal, facilitando así chegar a un nicho de mercado específico.
• Asistente virtual personalizado para o usuario.
• Contacto e atención ao turista por diferentes vías: email, web, app, teléfono etc.
• Publicación das solucións de maneira automática para publicadores de aplicacións, facilitando o uso compartido das ferramentas de turismo.

Para quen é o Marketplace?

A sandbox da Plataforma de Innovación Aberta (PIA) está dirixida aos principais actores do ecosistema turístico que buscan desenvolver e implementar solucións innovadoras nunha contorna segura e colaborativa. Esta ferramenta está deseñada especialmente para:

• Empresas turísticas: Acceso a tecnoloxía para dixitalizar os seus servizos.
• Startups: Oportunidade de promocionar solucións nun ecosistema turístico.
• Administracións públicas: Xestión de destinos con tecnoloxías innovadoras.
• Turistas. Acceso a apps e servizos que melloran a súa experiencia.

Que beneficios ofrece este Marketplace?

A sandbox ofrece unha serie de beneficios para quen desexa innovar e optimizar os seus procesos tecnolóxicos en turismo. Desde probas de concepto ata colaboracións intersectoriais, a sandbox será unha ferramenta única que impulse o desenvolvemento tecnolóxico no sector.

• Creación dun punto único de consulta e acceso á descarga de apps nas súas stores correspondentes e servizos turísticos intelixentes.
• Facilitar á iniciativa privada unha canle adicional para a posta en valor e a posible posterior monetización dos seus servizos.
• Impulsar a creación de novos servizos, e o seu consumo, ao obxecto de profundar na dixitalización do sector turístico.
• Promocionar o desenvolvemento de aplicacións a calquera empresa do sector independentemente do seu tamaño, ofrecendo a posibilidade de integrarse no mundo dixital.
• Ofrecer ao turista e destinos solucións tecnolóxicas avanzadas para mellorar a súa experiencia turística no destino.

Que diferenza ao Marketplace da PIA doutros marketplaces?

• O marketplace da Plataforma de Innovación Aberta (PIA) é o único portal con aplicacións tecnolóxicas orientadas unicamente ao sector turístico.
• Conta cun repositorio de código no que os desenvolvedores poderán ofertar os seus módulos, solucións, algoritmos para que poidan ser coñecidos polo sector turístico.

A única tenda de aplicacións tecnolóxicas turísticas con repositorio de código

O marketplace da Plataforma de Innovación Aberta (PIA) ofrece aplicacións útiles para destinos, empresas e turistas, ademais dun repositorio de código no que subir o código de novas solucións, dando así resposta a novas necesidades.